მობილური ტელეფონებისთვის აპლიკაცია GuriaTourism შეიქმნა. აპლიკაცია ჯერჯერობით მხოლოდ „ანდროიდის“ სისტემაზე მომუშავე სმარტფონებისთვის არსებობს. აპლიკაციაში გურიის ტურისტული ძეგლებისა და რეგიონში არსებული ტურისტული სერვისების შესახებ ინფორმაციაა განთავსებული. კერძოდ, ოზურგეთის, ლანჩხუთისა და ჩოხატაურის შესახებ. 

აპლიკაცია საშუალებას იძლევა, განსაზღვროთ მიმართულება მოცემული ადგილმდებარეობიდან შერჩეულ ობიექტამდე. 

მოცემული ეტაპისთვის რუკაზე დატანილია 400-მდე ობიექტი და 9 ტურისტული მარშრუტი.

ეს აპლიკაციის ,,ბეტა“ ვერსიაა, რომელიც გამოხმაურებიდან გამომდინარე, წინადადებებისა და შენიშვნების გათვალისწინებით დაიხვეწება. 

აპლიკაცია ქართულენოვანია, რომლის რუსულ და ინგლისურ ენაზე ვერსიების შექმნა იგეგმება. 

მობილური აპლიკაცია ოზურგეთის ახალგაზრდა მეცნიერთა კლუბის მიერ, ევროკავშირის მიერ დაფინანსებული პროექტის „მონაწილეობითი პრინციპები გურიის ტურიზმის განვითარების სტრატეგიისათვის“ ფარგლებში მომზადდა.

www.1tv.ge