სასწავლო კურსი იმერეთსა და სამცხე-ჯავახეთში ჩატარდა.  ქუთაისსა და ახალციხეში გამართული ტრენინგი  თეორიული და პრაქტიკული ნაწილისგან შედგებოდა. კურსის დასრულების შემდეგ მონაწილეებს სერტიფიკატები გადაეცათ.

ტრენინგი შემდეგ საკითხებს მოიცავდა:

• მონიშვნის განსხვავებული სტანდარტები, მონიშვნის სტანდარტის მნიშვნელობა და ამჟამინდელი მდგომარეობა.
• ეროვნული სტანდარტის დეტალურად გაცნობა ძველი და განახლებული რეგლამენტების ჭრილში.
• საველე ინფორმაციის შეგროვება, ინფორმაციის დამუშავება და მონიშვნის/მოვლა-პატრონობის პროექტის მომზადება.
• მონიშვნის/მოვლა პატრონობის პროექტის კითხვა, მონიშვნის ინფრასტრუქტურის მომზადება და განთავსება, საჭირო ინსტრუმენტების მომზადება და გამოყენება.
• მოვლა-პატრონობის სამუშაოებისათვის აუცილებელი და რეკომენდებული პროგრამული უზრუნველყოფები, რუკები და რესურსები.
• კითხვა-პასუხი, დისკუსია.

პრაქტიკული ნაწილი შემდეგ თემებს მოიცავდა:

• მონიშვნის/მოვლა პატრონობის პროექტის კითხვა საველე პირობებში.
• ბილიკზე არსებული სიტუაციის ანალიზი და საველე ინფორმაციის შეგროვება.
• საველე ინფორმაციის შეგროვებისათვის აუცილებელი პროგრამების და ინსტრუმენტების გამოყენება.
• მონიშვნის/მოვლა პატრონობის პროექტის მომზადებისათვის აუცილებელი ინფორმაციის დამუშავება საველე პირობებში.
• კითხვა-პასუხი, დისკუსია.