ევროკომისიის ანგარიშის მიხედვით, უვიზო მიმოსვლის მოთხოვნები კვლავ შესრულდება, მაგრამ საჭიროა სასწრაფო ნაბიჯები ევროკავშირის სავიზო პოლიტიკასთან შესაბამისობაში.

ამისთვის კომისია მე-5 ანგარიშს წარადგენს ევროკავშირის უვიზო რეჟიმის მონიტორინგის შესახებ საქართველოსთან, ალბანეთთან, ბოსნია და ჰერცეგოვინასთან, მონტენეგროსთან, ჩრდილოეთ მაკედონიასთან და სერბეთთან, ასევე, მოლდოვასა და უკრაინასთან.

ანგარიში ყურადღებას ამახვილებს ვიზალიბერალიზაციის მოთხოვნების უწყვეტი შესრულების უზრუნველსაყოფად კომისიის მიერ გასული წლის მეოთხე ანგარიშში სავიზო რეჟიმის შეჩერების მექანიზმის ფარგლებში მიღებულ ქმედებებზე. ასევე რეპორტში ხაზგასმულია ის სფეროები, სადაც შემდგომი ძალისხმევაა საჭირო თითოეული ქვეყნიდან.

მაგალითად, მიგრაციის მიმართულებით სიტუაცია ასეთია:

ყველა ქვეყანა აგრძელებდა ზომების მიღებას არალეგალური მიგრაციის მოსაგვარებლად. თუმცა, მუდმივი პრობლემების გადასაჭრელად შემდგომი ძალისხმევაა საჭირო, რაც თავის მხრივ მოიაზრებს ევროკავშირის სავიზო პოლიტიკასთან შესაბამისობას, ეს კი გადამწყვეტია ევროკავშირთან უვიზო რეჟიმის კარგი ფუნქციონირებისთვის.

ამასთან, ევროკომისია სტატუსის შესახებ შეთანხმებებზე და კონტრაბანდის წინააღმდეგ საოპერაციო გეგმებზეც აკეთებს აქცენტს.

რაც შეეხება უსაფრთხოებას, ყველა ზემოთ ჩამოთვლილი ქვეყანა აგრძელებს ზომების მიღებას ორგანიზებული დანაშაულის პრევენციისა და ბრძოლის მიზნით. თუმცა, საჭიროა შემდგომი ძალისხმევა შიდა უსაფრთხოების პრობლემების გადასაჭრელად. მაგალითად, კორუფციასთან ბრძოლის მცდელობებს კვლავ აფერხებს ანტიკორუფციული სააგენტოების შეზღუდული შესაძლებლობები და სამართლებრივი სტატუსი, ასევე სასამართლო პროცესებისა და მსჯავრდებების მცირე რაოდენობა.

ორგანიზებული დანაშაულის წინააღმდეგ ბრძოლის კუთხით ყველა ქვეყანამ უნდა გააძლიეროს ბრძოლა ორგანიზებული დანაშაულის ტრანსნაციონალური ქსელების წინააღმდეგ ევროპოლთან თანამშრომლობით და EMPACT-ის საქმიანობაში მონაწილეობის გაზრდით.

ამასთან, ქვეყნებმა, რომლებიც ანიჭებენ მოქალაქეობას ინვესტიციის სანაცვლოდ, უნდა გააუქმონ ან თავი შეიკავონ ასეთი სქემების განხორციელებისგან. ესზრდის უსაფრთხოების, ფულის გათეთრების, გადასახადებისგან თავის არიდებისა და კორუფციის რისკებს ევროკავშირისთვის.

"კომისია გააგრძელებს ვიზალიბერალიზაციის მოთხოვნების შესრულების მონიტორინგს უმაღლესი თანამდებობის პირების შეხვედრების, ასევე იუსტიციის, თავისუფლებისა და უსაფრთხოების ქვეკომიტეტების რეგულარული შეხვედრების და ორმხრივი და რეგიონული დიალოგის მეშვეობით ევროკავშირსა და უვიზო ქვეყნებს შორის. ვიზალიბერალიზაციასთან დაკავშირებული ასპექტების მონიტორინგი ასევე გაგრძელდება კომისიის გაფართოების წლიურ პაკეტში და საჭიროების შემთხვევაში, ევროკავშირთან გაწევრიანების მოლაპარაკებებში. კომისია გააგრძელებს მოხსენებას ევროპარლამენტისა და საბჭოს წინაშე წელიწადში ერთხელ მაინც."-წერია ევროკომისიის ანგარიშში.

ცნობისთვის, ევროკავშირს ამჟამად უვიზო რეჟიმი აქვს 61 ქვეყანასთან. ამ უვიზო რეჟიმის მიხედვით, ბიომეტრიული პასპორტის მქონე ევროკავშირის არაწევრ მოქალაქეებს შეუძლიათ შენგენის ზონაში შესვლა 90 დღის განმავლობაში, 180 დღის განმავლობაში, უვიზოდ. უვიზო მიმოსვლის მოგზაურები, რომლებიც სტუმრობენ შენგენის ზონას, 2023 წლის ბოლოდან დაექვემდებარება ევროპის სამოგზაურო ინფორმაციისა და ავტორიზაციის სისტემას (ETIAS).

მონტენეგროს, სერბეთისა და ჩრდილოეთ მაკედონიის მოქალაქეებს შეუძლიათ ევროკავშირში უვიზოდ გამგზავრება 2009 წლის დეკემბრიდან. ალბანეთისა და ბოსნია და ჰერცეგოვინას მოქალაქეებისთვის ეს შესაძლებლობა 2010 წლის ბოლოდან გაჩნდა. მოლდოვასთვის უვიზო მიმოსვლა ძალაში 2014 წლის აპრილში შევიდა. , საქართველოსთვის 2017 წლის მარტში და უკრაინისთვის 2017 წლის ივნისში.

ანგარიში ძირითადაც 2021 წელს ეყრდნობა. რაც შეეხება უკრაინას, რეპორტი რუსეთ-უკრაინის ომის დაწყებამდე არსებულ მდგომარეობას ასახავს.

business-partner.ge