საგანგებო სუტუაციების მართვის სამსახურმა პირობა შეასრულა და სასტუმრო „ველმონდს“ (ყოფილი „ლეოგრანდი“) ფუნქციონირების საშუალება არ მისცა.

საგანგებო სიტუაციების მართვის სამსახურის წარმომადგენლებმა სასტუმროს შენობა დაგეგმილისამებრ 17 აგვისტოს დალუქეს.

​სასტუმროსთან მოლაპარაკების პროცესში, საგანგებო სიტუაციების მართვის სამსახურთან ერთად ჩართული იყო აჭარის მთავრობა და აჭარის ტურიზმის დეპარტამენტი.

​საგანგებო სიტუაციების სამსახურის ცნობით, კოორდინირებული მუშაობის შედეგად 2 დღის განმავლობაში "ველმონდიდან" 300-მდე სტუმარი სხვადასხვა სასტუმროში გადანაწილდა.

​„საგანგებო სიტუაციების მართვის სამსახური სასტუმრო "ველმონდის" ადმინისტრაციასთან მოლაპარაკების რეჟიმში რჩება. კონსულტაციები შენობაში სახანძრო-უსაფრთხოების გაუმჯობესების მიზნით გაგრძელდება. ძირითადი რეკომენდაციების შესრულების შემდეგ, სამსახური მზად არის გასცეს ნებართვა სასტუმროს შენობის ექსპლუატაციაში ხელახლა შესვლის შესახებ“, - ნათქვამია საგანგებო სიტუაციების მართვის სამსახურის განცხადებაში.

www.travelingeorgia.ge