ხაშურს გაზაფხულისთვის მრავალფუნქციური სპორტული კომპლექსი ექნება. ადგილობრივი მთავრობის ცნობით, კომპლექსი ყველა თანამედროვე სტანდარტს უპასუხებს და ადაპტირებული იქნება შშმ პირებზე. 

ამ დროისთვის მიმდინარეობს გარე პერიმეტრის მოწყობა, რაც თავის მხრივ მოიცავს მინი საფეხბურთო სტადიონისა და  ჩოგბურთის მოედნის მშენებლობას. ასევე,  სკვერისა და  პარკინგის განთავსებას. 

მოეწყობა საკალათბურთო/სახელბურთო, საჭიდაო, ძალოსნობის, მძლეოსნობის და ფიტნეს დარბაზები. მეორე სართულზე განთავსებულია საჭადრაკო ოთახი და სატრენაჟორო დარბაზი.

მოეწყობა მცირე საკონფერენციო დარბაზი და კაფე/სასადილო. შენობაში განთავსდება 40 ადამიანზე გათვლილი სასტუმროც.

პროექტის ღირებულება 2 მილიონ ლარზე მეტია, რაც რეგიონში განსახორციელებელი პროექტების ფონდის მიერ დაფინანსდა. 

www.travelingeorgia.ge