ხულოს საბაგიროს სარემონტო სამუშაოებისთვის 65 205 ლარი დაიხარჯა. ხულოს მუნიციპალიტეტის ინფორმაციით, გასულ წელს გამოცხადებულ ტენდერში შპს „საქსპეცტრანსმა“ გაიმარჯვა. 

„ხულო-თაგოს ბაგირგზის მექანიზმების რეაბილიტაციის პროექტის ფარგლებში განხორციელდა ამძრავი ძირითადი და დამხმარე რედუქტორებისა და გადამცემი ქუროების რემონტი. 

აგრეთვე, სადგურის მზიდი ბაგირისამონაგის, სამგზავრო ვაგონის ურიკისა და გამწევი  ბაგირის კონტრტვირთის ყუთის რემონტი“, - განმარტავენ მუნიციპალიტეტში. 

ხულოს საბაგირო თავისი სიგრძით და სიმაღლით ევროპაში მეორე ადგილზეა და სოფელი თაგო გარესამყაროს სწორედ ამ საბაგიროთი უკავშირდება. 

ფოტო: Gobatumi.com