ლაფიანხევი — ღვარცოფული მდინარე საგარეჯოს მუნიციპალიტეტში, ივრის მარცხენა შენაკადი. სათავე აქვსგომბორის ქედის დასავლეთ კალთაზე. ზღვის დონიდან 1620 მ. სიგრძე 11,5 კმ, აუზის ფართობი 51 კმ². საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, წყალმცირობა — ზაფხულსა და ზამთარში, წყალმოვარდნები — შემოდგომაზე. საშუალო წლიური ხარჯი 0,5 მ³/წმ.

• აფხაზავა ი., ქართული საბჭოთა ენციკლოპედია, ტ. 6, გვ. 143, თბ., 1983 წელი.