მდინარეების სულორისა და რიონთან შესართავთან ახლოს მდებარეობს ანტიკური ხანის ერთ-ერთი უმნიშვნელოვანესი ძეგლი - ვანის ნაქალაქარი. ძვ. წ. VIII_I სს-ში ქალაქ ვანს მჭიდრო სავაჭრო-ეკონომიკური და კულტურული ურთიერთობები ჰქონია ბერძნულ სამყაროსთან. არსებობის პირველ ეტაპზე (ძვ. წ. VI-IV სს.) ვანი კოლხეთის სამეფოს ადმინისტრაციული ერთეულის (სკეპტუხიის) ცენტრი და მმართველი ფენის რეზიდენცია ყოფილა, მეორე პერიოდში (ძვ. წ. III-I სს.) კი - დიდი სატაძრო ცენტრი. გათხრების შედეგად აღმოჩენილია საკულტო და საცხოვრებელი ნაგებობები, გალავნის კედელი, მრგვალი ტაძარი, შვიდსაფეხურიანი საკურთხეველი, საკულტო-რიტუალური დანიშნულების ქანდაკებები, ადგილობრივი და ბერძნული კერამიკა, მდიდრული სამარხები, ოქრომჭედლობის უნიკალური ნიმუშები: დიადემები, სამაჯურები, ყელსაბამები, საყურეები, სასაფეთქლეები, ჰერალდიკური გამოსახულებები და თასები.

ანტიკური ნაქალაქარის ტერიტორიაზე ამჟამად მოქმედებს ვანის არქეოლოგიური მუზეუმ-ნაკრძალი, რომლის ტერიტორია დაახლოებით 8,5 ჰექტარს მოიცავს.