სასტუმრო "რჩეული მარანი", ალაზნის ველისა და კავკასიონის ხედებით, თელავის ძველ უბანშია განთავსებული. 24 ნომერი სრულადაა აღჭურვილი სატელიტური ტელევიზიით, მინიბარებითა და ინტერნეტით. სასტუმროს რესტორანი უძველეს მარანზეა აშენებული, რომელიც თავისი პირვანდელი სახითაა შემონახული. სასტუმროში ფუნქციონირებს სასმელებით მდიდარი ბარი და საქმიანი შეხვედრებისთვის განკუთვნილი საკონფერენციო დარბაზი .