აარაუ (გერმ. Aarau) — ქალაქი ჩრდილოეთ შვეიცარიაში, აარგაუს კანტონისა და თავისივე სახელწოდების რაიონის დედაქალაქი. მოსახლეობა ძირითადად გერმანულენოვანი პროტესტანტია. ქალაქი მდებარეობს შვეიცარიის ზეგანზე, მდინარე აარეს ხეობაში, მარჯვენა ნაპირზე, იურის მთების სამხრეთ მთისწინეთში, ციურიხის დასავლეთით. დასავლეთით ესაზღვრება ზოლოთურნის კანტონი. წარმოადგენს არგაუს მეორე უდიდეს ქალაქს ვეტინგენის შემდეგ.2010 წლის დასაწყისში, ქალაქი რორი აარაუს გარეუბანი გახდა.

ისტორია

აარაუს ტერიტორიაზე აღმოჩენილია ნეოლითის ხანის არტეფაქტები და ბრინჯაოს ხანის ნასახლარები, რომაული ხანის ხის ხიდის ნაშთები.

ქალაქი დაახლოებით 1240 წელს დაარსდა. წერილობით წყაროებში პირველად 1256 წელს მოიხსენიება, ქალაქის სტატუსი კი 1283 წელს მიენიჭა.