ეს პატარა გერმანული ქალაქი ადგილობრივებისთვის ერთგვარი, კულტურული მემკვიდრეობაა. ვეიმარში ცხოვრობდნენ ისეთი ინტელექტუალური გიგანტები, როგორიცაა: ბახი, შილერი, ლისტი, ნიცშე, გოეთე და სხვები. თანამედროვე არქიტექტურის ქვაკუთხედად არის ქცეული ვალტერ გროპიუსის მიერ დაარსებული ბაუხაუსის სკოლა. თავისი ისტორიული მნიშვნელობის წყალობით, ვეიმარმა საკმაოდ დიდი დაფინანსება მიიღო შენობების რეკონსტრუქციისათვის და 1999 წელს ევროპის კულტურული დედაქალაქის სტატუსი მიენიჭა.