ბულვარის გაშენება 1881 წლიდან დაიწყო. მისი შექმნის იდეა ბათუმის ოლქის გუბერნატორს ა. ი. სმეკალოვს ეკუთვნის, რომელმაც ზღვისპირა ბულვარის გაშენება ცნობილ გერმანელ მებაღეს - რესელერს დაავალა. ბულვარმა თავისი არსებობის ისტორიაში განვითარების რამდენიმე ეტაპი განვლო. ბოლო წლებში ბათუმის ბულვარის ტერიტორია საგრძნობლად გაიზარდა და დღეისათვის მისი სიგრძე 7 კილომეტრს აღწევს. 1977 წლიდან ბულვარში ფუნქციონირებს ფერადი მოცეკვავე შადრევნები, რომლის არქიტექტურული პროექტი ეკუთვნის ქართველ ავტორ გ. ერქომაიშვილს. 2008 წლის სექტემბერში შადრევანი განახლებული სახით დაუბრუნდა ქალაქს. ბულვარის სანაპირო ზოლი ბუნგალოებით, კაფე–ლაუნჯებით, რესტორნებით, საბავშვო ატრაქციონებით, თანამედროვე დიზაინის სკამებით, სკულპტურებითა და ახალი ფანტანებით დამშვენდა და იგი ქალაქის სტუმრებისათვის ყველაზე მიმზიდველ ადგილს წარმოადგენს.

# 2. ველოსიპედით გასეირნება

სანაპირო ზოლის დათვალიერება ველოსიპედითაც შეგიძლიათ - მცირე დროში გადაავლებთ თვალს მთელს სანაპიროს და ისიამოვნებთ შავი ზღვის ულამაზესი ხედებით.

# 3. ბათუმის ბოტანიკური ბაღი

თუ დასვენებას ბუნებაში ამჯობინებთ, თქვენთვის იდეალური არჩევანია ბათუმის ბოტანიკური ბაღი, რომლის ფლორაც გაგაოცებთ თავისი მრავალფეროვნებით - აქ შეხვდებით სრულიად განსხვავებული კლიმატური და ლანდშაფტური ზონებიდან აღებულ მცენარეთა 5000-ზე მეტ სახეობას.

# 4. ლაშქრობა

ლაშქრობის მოყვარულებს გელოდებათ მტირალას ეროვნული პარკი, კინტრიშის დაცული ტერიტორიები,ხიხაძირის ხეობა ულამაზესი ხედებით, უძველესი ციხე სიმაგრეებით, უნიკალური ფლორითა და ფაუნით.

# 5. ქართული სამზარეულო