კომპანია Alliance Group-ი ექსკლუზიური არქიტექტურის მქონე მრავალფუნქციური კომპლექსის Alliance Palace-ს გასახსნელად ემზადება და წყალმომარაგების სისტემის სამონტაჟო სამუშაოები უკვე აქტიურად დაიწყო.

41 სართული, გამორჩეული, ექსკლუზიური არქიტექტურა და დიზაინი, ხედით ზღვასა და მთაზე - სწორედ ასეთი იქნება Alliance Palace -ის ახალი მრავალფუნქციური კომპლექსი, რომელიც დიდ სასტუმრო კომპლექსს მოიცავს.

Alliance Group-ში დიდი სიფრთხილით ეკიდებიან პარტნიორების შერჩევის საკითხს, რამდენადაც საქმე ეხება ხარისხს, სანდოობასა და უსაფრთხოებას.

კომპლექსის წყალმომარაგების სისტემა და შესაბამისი ინფრასტრუქტურა შვეიცარიული კომპანია, Georg Fischer-ის წარმოებისაა.

GF-ი მსოფლიოში ერთ-ერთი წამყვანი კომპანიაა, რომელიც უმაღლესი ხარისხის მეტალის და პლასტიკური მასალის წყალმომარაგების სისტემას აწარმოებს. კორპორაცია GF 1802 წელს დაარსდა და ის აერთიანებს სამ ქვეგანყოფილებას: GF Piping Systems, GF Automotive и GF Machining Solutions. GF-ის პროდუქცია მსოფლიოს 33 ქვეყანაშია წარმოდგენილი.

კომპანიის წარმატების გარანტი ახალი ტექნოლოგიებისა და ეკოლოგიურად უსაფრთხო სისტემების - მილებისა და გადასაბმელი ნაწარმის - დანერგვა გახდა.

კომპანიის განყოფილებას GF Piping Systems-ი წლების განმავლობაში დიდი გამოცდილება დაუგროვდა მილების, სხვადასხვა ტიპისა და სახის რეზერვუარების დამზადებაში, ასევე წყლის ტრანსპორტირების ავტომატიზირებული სისტემის დანერგვაში.

GF-ის პროდუქციის თითოეული დეტალი და მომსახურება ხარისხისა და უსაფრთხოების უმაღლეს სტანდარტებს აკმაყოფილებს.