სახელმწიფო აუდიტის სამსახურმა პროექტ „Check in Georgia“-ს მიმდინარეობა შეისწავლა და დარღვევები გამოავლინა. 

„საინვესტიციო ფონდი არ ახდენდა ჩატარებული კონცერტების მიხედვით გაყიდული ბილეთების შესახებ TKT.GE-ს მონაცემთა ბაზიდან დეტალური ინფორმაციების რეპორტირებას და დადოკუმენტირებას - და შემოსავლის აღიარება ხორციელდებოდა პროგრამიდან გენერირებული სტატისტიკური ანგარიშების საფუძველზე გაფორმებული მიღება- ჩაბარების აქტების შესაბამისად. მოცემული სტატისტიკური ანგარიშების მიხედვით გაუყიდავი ბილეთების რაოდენობამ შეადგინა - 3,719 ერთეული, ღირებულებით - 141,840 ლარი.“- ნათქვამია აუდიტის ანგარიშში. 

სსიპ „კულტურის განვითარების საინვესტიციო ფონდის“ მიერ 2016 წელს 3 კონცერტის ფარგლებში ბილეთების რეალიზაციიდან მიღებულმა შემოსავალმა სულ - 3,044,030 ლარი შეადგინა.

 

ავტორი: მეგი კავთუაშვილი

 

www.bm.ge