დაბალბიუჯეტიანმა ავიაკომპანიამ Wizz Air-მა გამოაქვეყნა მონაცემები, თუ ვის და რამდენი გადაუხადა 2023 წელს, რათა მგზავრებს შეეძლოთ ფრენა.

ბიუჯეტური ავიაკომპანიის ბოლო ანგარიშის მიხედვით, 2023 წლის 1 აპრილიდან 30 სექტემბრის ჩათვლით ერთი მომხმარებლის ტრანსპორტირების საშუალო ღირებულება 76,64 ევრო იყო.

მარშრუტის საშუალო სიგრძე ამ პერიოდში იყო 1746 კმ. ამრიგად, ერთი მგზავრის გადაყვანის ღირებულება თითო კილომეტრზე Wizz Air-ს 4,39 ევროცენტი დაუჯდა.

ამ მონაცემებიდან შეგვიძლია დავასკვნათ, რომ ვარშავა-კოპენჰაგენის მარშრუტზე მგზავრის გადაყვანის საშუალო ღირებულება იყო 31 ევრო, კიოლნი-ბუქარესტის – 70 ევრო, ათენი-ლონდონის – 105 ევრო.

საწვავი, მოსაკრებლები, ამორტიზაცია

საწვავი რჩება ყველაზე დიდ ღირებულებად – ერთი მგზავრის გადასაყვანად Wizz Air-მა საავიაციო ნავთის შესაძენად საშუალოდ 29,28 ევრო დახარჯა.

აეროპორტის, დისპეტჩერების გადასახადებისა და ჰენდლინგური კომპანიებისთვის გადახდების ღირებულებამ, რომლებიც ემსახურებიან თვითმფრინავებს, ბარგს და ალაგებენ კაბინებს, თითო მგზავრზე, სულ 19,15 ევრო შეადგინა.

Wizz Air-ის ხარჯების მხრივ მესამე ადგილზეა აღჭურვილობის ცვეთა – ის საშუალოდ 10,76 ევროს შეადგენდა ერთ მგზავრზე საანგარიშო პერიოდში.

Wizz Air-ის საშუალო საოპერაციო ხარჯები ერთ მგზავრზე:

• საწვავი: 29,28 ევრო
• აეროპორტის საფასური, ტრანსპორტირება, საჰაერო ნავიგაცია: 19,15 ევრო
• ცვეთა: 10,76 ევრო
• პერსონალის ღირებულება: 7,59 ევრო
• მოვლა და სათადარიგო ნაწილები: 4,57 ევრო
• დისტრიბუცია და მარკეტინგი: 1.97
• სხვა ხარჯები: 3,32 ევრო
• სულ: 76,64 ევრო

შედარებისთვის, ერთი მგზავრის გადაყვანის საშუალო ღირებულება იმავე პერიოდში Ryanair-ს 58,4 ევრო დაუჯდა.

avianews.ge