ორთა ჯამე აგებულია XIX საუკუნის 80–იან წლებში, 1886 წელს. მას „ორთა ჯამე“ ქალაქში მდებარეობის გამო ეწოდა, რადგან ის  აზიზიეს ჯამესა და ახმედ ფაშას ჯამეებს შორის იყო  მოქცეული. ისევე როგორც სხვა აღმსარებლობის საკულტო კერებმა, 30– იან წლებში ჯამემაც შეწყვიტა ფუნქციონირება. გასული საუკუნის 90–იან წლებში მასში აღსდგა საკულტო მსახურება. ჩატარდა სარეაბილიტარიზაციო სამუშაოები, კეთილმოეწყო ეზო, სკვერი და მიმდებარე ტერიტორია.