ახალციხე

ახალციხე საქართველოს ერთ-ერთი უძ­ვე­ლესი ქალაქია (ძველი სახელი _ ლომსია). მდებარეობს თბილისიდან 230 კმ-ში, ახალ­ციხის ქვაბულში, მდ. ფოცხოვის ორივე ნაპირზე. ისტორიულ წყაროებში დაფიქსირებულია XII ს-დან. XIII-XVI სს-ში სამცხე-საათაბაგოს პოლიტიკური ცენტ­რია, 1629-1828 წწ-ში კი _ ოსმალეთის იმპერიაში შემავალი ახალციხის საფაშოს დედაქალაქი. კავკასიაში ტყვე-მონებით ვაჭრობის უმნიშვნელოვანესი ცენტრი. ქ. ახალციხის ისტორიული ნაწილი მდ. ფოცხო­ვისწყლის მარცხენა ნაპირზე არსებულ კლდოვან გორაზეა გაშენებული. მას `რაბათი~ ჰქვია, რაც შუა საუკუნეების ქალაქში არსებულ ვაჭარ-ხელო­სანთა დასახლებას ნიშნავს. რაბათის ტერიტორიაზე მდებარეობს სარგის ჯაყელის ციხესიმაგრე, წმ. მარინეს ეკლესია, ახალციხის ფაშების სასახლე, ოსმალური მეჩეთი (1752 წ.), ქარავან-სარაი, აბანო. ახალციხის რაბათის ტერიტორიაზე ამჟამად ფუნქცი­ონირებს ახალციხის მხარეთმცოდნეობის მუზეუმი.

 

ავტორი: გამომცემლობა "კლიო"