მდებარეობს ჭიათურის პლატოზე,  მდინარე ყვირილის მარცხენა მხარეს. ჩრდილოეთით ესაზღვრება  სოფელი საირხე. სამხრეთით _ ჯალაურთის თემის  სოფელი მოძვი. დასავლეთით _ ჭიათურის რაიონის სოფელი ბჟინევი, აგრეთვე სოფელი ქორეთი (სახნავ_სათესი სავარგულებით). აღმოსავლ-ეთით - სოფლები: მერჯევი და გორისა.

სოფლის ყველაზე დაბალი ადგილია აღმოსავლეთ ნაწილში, მდინარე საირხულას ხეობაში, სიმაღლე ზ.დ. 560 მ, ხოლო მა-ქსიმალური ადგილია, უკიდურესი ჩ_დ. ნაწილში, სოფლის ტყის ტერიტორიაზე ზ.დ. 842 მ. ცენტრის სიმაღლე ზ. დ. 535 მ.

ჭორვილა დასავლეთიდან აღმოსავლეთისაკენ ვრცელდება (სახნავ_სათესი, საძოვრებითა და ტყის ზოლის ჩათვლით) საშუალოდ 4 კმ-ზე, ხოლო, ჩრდილოეთიდან სამხრეთისაკენ დაახლოებით 3 კმ-ზე. ჭორვილა შედის საირხის თემში, მანძილი ცენტრამდე 2 კილომეტრია, ხოლო მანძილი ქალაქ საჩხერემდე 7 კილომეტრია, სოფელში ცხოვრობს 688 კომლი, 1950 სული მცხოვრებით. სოფლის მეურნეობის ძირითადი დარგებია: მევენახეობა, მესიმინდეობა, მეცხოველეობა. სოფელში არის საჯარო სკოლა სკოლა.

ჭორვილის სანახების გეოგრაფიული სახელებია: ნიხიერი, საღორია, მაჩვიწყარო, ნადირაძის ტყე, გზაგასაყარი, მიშას ახო, საჩაიე, ღვლენჭი ყანები, წითელგორა, სილიონისახო, ნამოსახლი, მწყერაული, ვაშლანა, ახო, გაიანეს ბაღი. სოფლის ტერიტორიაზე არის ცივი კამკამა წყაროები: მაჩვიწყარო, ილარიონის წყარო, კოდისწყარო, წინწკილა, დიადაური. სოფლის ტერიტორიაზე გაედინებიან მცირე დებიტის მქონე ნაკადულები: ფერმისღელე, წინწკილისღელე, ბურძენიძეებისღელე, მწყერაულის ღელე (მდინარე ყვირილის აუზი).

მცენარეებიდან გავრცელებულია: მრავალძარღვა, ბოლოკურა, სამყურა, ლენცოფა, ძაღლყურძენა, ლემა, ბაბუაწვერა, გულყვითელა, გვირილა, ვირისტერფა, გეორგინა, მზესუმზირა, ასფურცელა, ნარგიზი, შროშანა, სიმინდი, ასკილი, სვინტრი, იაჟუჟუნა, ცირცელი, მოცვი, ჟოლო, მოცვი, ცაცხვი, მუხა, აკაცია, არყი, ფიჭვი, ია, ჭინჭარი, ფურისულა, ნაცარქათამა და სხვა.

ფაუნას წარმომადგენლებიდან გვხვდება: დედოფალა, თეთრყელა კვერნა, ლოკოკინა, კალია, მახრა, კოლორადოს ხოჭო, ჭიამაია, პეპელა, ფუტკარი, ჭიანჭველა, ბუზი, კოღო, ობობა, ბაყაყი, მერცხალი, შაშვი, მიმინო, ქორი, გომბეშო, ტრიტონი, ხვლიკი, ზღარბი, ბეღურა, კოდალა, მწყერი, ოფოფი, წივწივა, ბუ, გუგული, თხუნელა, ღამურა, თაგვი, ვირთხა, ტურა და სხვა. სოფელში აღმოჩენილია ბრინჯაოს და რკინის ხანის ყორღანული ტიპის სასაფლაო. წყაროებში კი სოფელი XII საუკუნიდან იხსენიება. 1103 წელს თამარ მეფის ბრძანებით ჭორვილას 12 გელათელი ბერის გამოკვება დაევალა.

სოფლის ტერიტორიაზე შემორჩენილია ისტორიული ძეგლები: გრიგოლწმინდას სალოცავი, წერეთლების ციხის ნანგრევები. წმინდა ნინოს სახელობის ეკლესია, რომელიც, ტაძრის აღმოსავლეთ კედლის წარწერის მიხედვით, 1901 წელსაა აგებული ოსტატ ნოზაძის მიერ.

სოფლის მეურნეობიდან განვითარებულია მევენახეობა. მოსახლეობას გაშენებული აქვს ვაზის სხვადასხა ჯიში: ცოლიკოური, იზაბელა, ალიგოტე. ღვინის დაწურვა და შენახვა ძირითადად შინაურ პირობებში ხდება. იყენებენ სოფელ ტყემლოვანაში დამზადებულ ქვევრებს. ქვევრის ჰერმეტულად დასახურად ადგილობრივი ყვითელი მიწა გამოიყენება. მის გამოსარეცხად კი ტრადიციული იარაღაები სარცხლი და თაგვისარა გამოიყენება.

სოფელ ჭორვილაში ცხოვრობენ შემდეგი გვარები: წერეთელი, დვალი, ბერიძე, ტყემალაძე, ივანაშვილი, ზუბიაშვილი, ხატელიშვილი, დემეტრაშვილი, მაჭავარიანი, მჭედლიშვილი, კაპანაძე, მელაძე, ჯალაბაძე, გაბაძე, ნადირაძე, გოგატიშვილი, მეგრელიშვილი, ბურძენიძე, წიქვაძე და ხარაიძე.

გვარ ივანაშვილის წარმოშობაზე ორი მოსაზრებაა. ერთი ვერსიის მიხედვით გვარი წარმოიშვა ძმების, დემეტრესა და ივანეს გაყოფის შედეგად. ხოლო მეორე ვერსიის თანახმად სოფელში თავადი ივანე დასახლებულა და მის შთამომავლობას ივანაშვილები ეწოდა. ჯალაბაძეები სოფელ კორბოულიდან არიან. ჭორვილაში ჯალაბაძეთა ორი ოჯახი ცხოვრობს. სოფელში დაიბადა ქართველი ბიზნესმენი, საქართველოს პრემიერ მინისტრი ბიძინა ივანიშვილი

სოფელში აღნიშნავენ „გრიგოლობას“, გრიგოლ ხანძთელის სახელობის დღესასწაულს, რომელიც აღდგომიდან ერთი კვირის შემდეგ ერთი კვირის შემდეგ აღინიშნება. ჭორვილას სამზარეულო იმერულია. მისი ძირითადი ელემენტებია: ხაჭაპური, მჭადი, ფელამუში, გოზინაყი, საცივი, წანდილი ფხალი.

ავტორი: გიორგი დვალაშვილი

ყველა უფლება დაცულია