კვერნაქის განედური მიმართულების დაბალმთიანი ქედი აღმოსავლეთ საქართველოში, თბილისიდან 20-80 კმ-ზე მდებარეობს. მას ჩრდილოეთიდან მდ.მტკვრის კანიონისებური ხეობა მიუყვება. ქედის უმაღლესი მწვერვალია ზეგარდა, რომელიც ზღვის დონიდან 1114 მეტრზე მდებარეობს. ქედის სიგრძე 70 კმ, ხოლო სიგანე 7 კილომეტრია. მისი ფერდობები მკვეთრად განსხვავდება ერთმანეთისგან _ სამხრეთ ნაწილი გაცილებით ციცაბო და დახრამულია, ვიდრე ჩრდილოეთი. ქედი აგებულია ნეოგენური კონგლომერატებით, ქვიშაქვებითა და თიხებით. 

კვერნაქის ქედი ბუნებრივი მრავალფეროვნებით გამოირჩევა. მიუხედავად მცირე მასშტაბებისა, ლანდშაფტური სხვადასხვაობა მცირე გადაადგილებითაც კი თვალსაჩინოა. ექსპოზიციის უმნიშვნელო სხვაობა აორთქლების ცვლას განაპირობებს, რაც სხვა­დასხვაგვარი მცენარეუ­ლობის გან­ვითარების წინა პირობაა. თუ სამხრეთ ფერდო­ბებზე ნახევ­რადუდაბნოს და არიდული ტყე­ების მცენარე­ულობას ვხვდებით, დასავლეთ ფერდობებზე ჯაგეკ­ლიანი ბუჩქნარები და დეგრადირებული რცხილნარები, ჩრდილოეთ და აღმოსავლეთ ფერდობებზე მუხნარ-რცხილნარები, ხოლო ჭალებში ტუგაის ტიპის მცენარეულობაა წარმოდგენილი.

კვერნაქის ქედი უძველესი დასახლებებით, თავდაცვითი ობი­ექტებით და ისტორიუ­ლი მოვ­ლენებით ერთ-ერთი გა­მორ­ჩეული ადგილია საქართველოში. მის ფერდობებზეა კლდეში ნაკვეთი ქალაქი უფლისციხე, აქ იწამა ქრისტეს ჭეშმარიტება 337 წელს მეფე მირიანმა, აქვეა ფეოდალური ხანის ხელოვნურ გამოქვაბულთა კომპლექსი _ შიომღვიმე.