შახვეტილას მთა — მთა კახეთის ქედის სამხრეთ ნაწილის აღმოსავლეთ კალთაზე, მდინარეების ანისხევისა (ხევგრძელის მარცხენა შენაკადი) და ილტოს წყალგამყოფზე. სიმაღლე 1324 მ. აგებულია ზედაცარცული კირქვებით, მერგელებითა და თიხებით. მთას მობრტყელებული მწვერვალი და ძლიერ დახრილი კალთები აქვს.

შემოსილია შერეული ფოთლოვანი ტყით.

• ჩანგაშვილი გ., ქართული საბჭოთა ენციკლოპედია, ტ. 10, გვ. 696, თბ., 1986 წელი.