• რესტორანი “ბარბარესთან” კონცეფცია
ახალ პროექტში გასტრონომიულმა ჯგუფმა Gastonaut-მა მიზნად დაისახა— შექმნას ხელმისაწვდომი ქართული სამზარეულო ახალი სტანდარტებით.

• “ბარბარესთან” თბილისისთვის უჩვეულო, ქართული სამზარეულოს რესტორანია.
• ეს არის მყუდრო ქართული ბინა, რომელშიც მეგობრულად ცხოვრობს დიდი, ხმაურიანი, სტუმართმოყვარე ოჯახი, რესტორნის მფლობელები დედა, მამა და 10 შვილია.

• რესტორანში “ბარბარეში” - დაგემოვნებთ ქართულ კერძებს ბარბარე ჯორჯაძის მე-19 საუკუნის უნიკალური რეცეპტების წიგნიდან. “ბარბარესთან” სამზარეულოს თამამად შეიძლება ვუწოდოთ ოჯახური, რომლის განსაკუთრებულობას ახალი, თქვენთვის დღემდე უცნობი გემო განაპირობებს. ვფიქრობთ, მენიუს ბევრი პოზიცია გურმანებისათვის ნამდვილი აღმოჩენა იქნება. ტრადიციული კერძებიც კი. მხოლოდ ქართული პროდუქტით დამზადებული ხაჭაპური, საცივი, ლობიო ლორით და ელარჯი მკვეთრად განსხვავდება იმისგან რასაც თქვენ აქამდე მიირთმევდით ქალაქის რესტორნებში. მენიუ დაამუშავა და თანამედროვე სტანდარტებით შეადგინა ცნობილმა ქართველმა შეფ - მზარეულმა ლევან კობიაშვილმა. ყველაფერი დამზადებულია ისე, როგორც ამას დიდი ქართული ოჯახების შინაურ სამზარეულოში და როგორც ამას თავად მწერალი ქალი, ბარბარე აკეთებდა.

• რესტორან ”ბარბარეში” - სულ 50 დასაჯდომი ადგილია, აქედან ერთი დარბაზი, 10 კაციანი იზოლირებული სივრცე სავახშმოდ და მე-19 საუკუნის ისტორიული ღვინის მარანია, რომელიც რესტორნის სიამაყეა. 

• დილით ბარბარესთან ახლადგამომცხვარი პურის სუნი დგას - ძალის მომცემი ახალი დღისთვის. სადილობისას სიმშვიდე ისადგურებს და ამ ემოციით სტუმარი აგემოვნებს გემრიელ ჩიხირთმას და კენკროვანი სოუსით შეზავებულ ჩაშუშული იხვის ფეხს.

• საღამოს ბარბარესთან ნამდვილი დღესასწაულია. იშვიათი ქართული ღვინოები, რომელთაც მზრუნველი მასპინძელი საკუთარ სარდაფში ინახავს.

• იქვე, სხვა მაგიდებთან, სტუმრებს უკვე აწვდიან შემწვარ კარტოფილს სოფლურად, თევზის ასორტს შინაური რეცეპტით, იშვიათი ქართული ყველის სახეობებს და სხვა მრავალს.

• ტკბილ მენიუში ბებოს დესერტებია - მურაბები და კომპოტები – აქაც ბარბარე ჯორჯაძის რეცეპტით დამზადებული. დესერტის მენიუს კულმინაცია ფელამუშის ნამცხვარია. საფირმო ტკბილეული, რომელსაც მხოლოდ ჩვენთან იპოვით.

• საუკუნოვანი ავეჯი, ფერადი ხალიჩები, ანტიკვარული ნივთები, აგურის კედლები, იატქკზე ლამაზი ხალიჩები ქარული ორნამენტებით, მუსიკალური თანხლება რეტროა, დარბაზებში გაფანტული ქართული მელოდია პირველივე წუთიდან ავსებს სტუმარს. მცენარეები და მინდვრის ყვავილები ყველგანაა. ვიტრინაში ქართული ნობათი დევს - ყველი, ჩურჩხელები, მურაბები, ახალი პური და კაკალი, რაც ნებისმიერი გამვლელის თვალს იპყრობს და აჯადოვებს.