Victoria Hotel & Spa – ახალი, განსხვავებული სიტყვა კავკასიის სამთო-სათხილამურო კურორტების სასტუმრო ინდუსტრიაში. მსოფლიო დონის ბუტიკ-სასტუმრო, რომლის სავიზიტო ბარათი დახვეწილი სტილი, სრულყოფილი მომსახურება და იდეალური კომფორტია. აქ ყველაფერია იმისთვის, რომ დადებითი ემოციებით დაიმუხტოთ, იგრძნოთ უშრეტი ენერგიის მოზღვავება და დატკბეთ დასვენებით. 

 

მცირე კავკასიონის ქედის ფერდობზე შეყუჟული, წარმტაცი პეიზაჟით გარშემორტყმული ოთხვარსკვლავიანი სასტუმრო Victoria Hotel & Spa შესანიშნავი ადგილია როგორც რომანტიკული განმარტოების, ისე – ოჯახური დასვენებისთვის.   

 

სიყვარული და ყურადღება ჩვენთან ყველა დეტალში იგრძნობა. სასტუმროს ინტერიერი თანამედროვე სტილშია გადაწყვეტილი. აქ თავმოყრილი ოცდაექვსივე ნომრისა და ლუქსის ინდივიდუალური დიზაინი მაქსიმალურად ითვალისწინებს კომფორტისა და სიმყუდროვისთვის აუცილებელ ყოველ წვრილმანს. მიმზიდველ ინტერიერს აგვირგვინებს ბაკურიანის განუმეორებელი პანორამის ფერწერული ფონი, რომელიც დაუვიწყარი ფერებით ამდიდრებს დამსვენებლის შთაბეჭდილებების პალიტრას.

 

სტუმართმოყვარეობით განთქმული ქართველებისთვის სტუმრის მოსვლა დღესასწაულია. სრულიად უცხო ადამიანსაც კი მასპინძელი იპატიჟებს სიტყვებით: „იგრძენით თავი, როგორც საკუთარ სახლში“. ჩვენც ამ ტრადიციით ვეგებებით სასურველ სტუმრებს, რომლებიც ზღურბლის გადმობიჯებისთანავე კეთილგანწყობილ, მეგობრულ და მშვიდ გარემოში ხვდებიან. მოდიან, როგორც სტუმრები და მიდიან, როგორც მეგობრები.

 

მოუთმენლად ველით თქვენს სტუმრობას. ჩვენ ვიზრუნებთ იმაზე, რომ ჩვენთან გატარებული არდადეგები წარუშლელ მოგონებად დარჩეს თქვენს მეხსიერებაში.

 

სასიამოვნო დასვენებას გისურვებთ!