ყვარელში ღვინო ინახება 7,7 კმ სიგრძის გვირაბში, რომელიც კავკასიონის ქედის ქვის (კლდის) მასივშია გამოჭრილი. მასივი შეიცავს გრანიტს, რომელიც გარშემორტყმულია თიხოვანი ფიქალის ფენებით. წელიწადის ნებისმიერ დროს შენარჩუნებულია 10ჩ-11ჩ ტემპერატურა. აქ მიმდინარეობს მუხის კასრებში ღვინის დაძველება

ყურძნის მიღება-დამუშავება ხდება ვაჩნაძეანში, რომლის ისტორია დაკავშირებულია კახეთის გამოჩენილ თავადებთან, ჯანდიერებსა და ვაჩნაძეებთან. მე-17 საუკუნიდან ჯანდიერები, ისევე როგორც ვაჩნაძეები გამოჩენილ დიდგვაროვანთა რიცხვს მიეკუთვნებოდნენ ძველი ჰერეთის ტერიტორიაზე. ჯანდიერების უაღრესად დიდი წვლილისა და ძალისხმევის შედეგად მტრების შემოსევებისაგან განადგურებული ღვინის ქარხანა კვლავ აღორძინებულ იქნა 1877 წელს, რითაც საფუძველი ჩაეყარა ქართული ღვინის კულტურის პოპულარიზაციას. აღსანიშნავია ის ფაქტორი, რომ ჯანდიერების მიერ აღორძინებული ღვინის ქარხანა დღემდე ფუნქციონირებს "მეღვინეობა ხარება"-ს მეშვეობით, რომელმაც თავისმხრივ გამორჩეული ღვინის წარმოების ტექნოლოგიითა და ხარისხით ადგილი დაიმკვიდრა მსოფლიო არენაზე და ამავე დროს სახელი გაუთქვა ქართულ ღვინოს მსოფლიო მასშტაბებით. სწორედ ამის დამადასტურებელია მრავალი ჯილდო და სიგელი. დღეს არსებული მდგომარეობით, აღნიშნული ტერიტორია გამოირჩევა უმაღლესი თანამედროვე ტექნოლოგიებითა და აღჭურვილობით.

ვენახის დამუშავება შესაძლებელია თანამედროვე ტექნიკის გამოყენებით. როგორც მოგეხსენებათ, კახეთი მდიდარია ნოყიერი ნიადაგით, რაც წინაპირობაა წარმატებული ღვინის წარმოებისა. კირით მდიდარი კახეთის მიწა საწინდარია უნიკალური  ჯიშების: რქაწითელის, ხიხვის, საფერავის, ქისის და სხვა დანარჩენის განვითარებისათვის.

ღვინის წარმოება დასავლეთში

წმ.გიორგისა და წმ.სერაფიმ საროველის ეკლესიების მახლობლად კომპანია "მეღვინეობა ხარება"-ს თანამედროვე ღვინის ქარხანა მდებარეობს, რომელიც 2,4 ჰექტარს მოიცავს; ის აღჭურვილია თანამედროვე იტალიური დანადგარებით და უჟანგავი ლითონისგან დამზადებული რეზერვუარებით. აქ მზადდება "მეღვინეობა ხარება"-ს პრემიუმ კატეგორიის წყნარი და ცქრიალა ღვინოები, რაც თანამედროვე ტექნოლოგიებისა და ცოდნის ურთიერთშერწყმის დამსახურებაა.კომპანიას გააჩნია 900 კვ.მ. საძველო მარანი, რომელიც აღჭურვილია ახალი ფრანგული მუხის კასრებით.

დასავლური ვაზის საღვინე ჯიშების თვალსაჩინო წარმომადგენლები არიან: ციცქა, რომლისგანაც აგრეთვე მზადდება ცქრიალა ღვინო კლასიკური მეთოდით, კრახუნა, ცოლიკოური, ოცხანური საფერე, ალადასტური, უსახელოური.

"მეღვინოება ხარება" უახლოეს მომავალში გეგმავს იმერეთის საუკეთესო მიწებზე 40 ჰა ვენახის გაშენებას, სადაც თავს მოიყრის გადაშენების პირას მისული სხვა იმერული ჯიშები, რომლებიც თავისი თვისებებით არიან უნიკალურები. 

ხარისხი

შერჩევითი რთველის დროს საუკეთესო მტევნები მიაქვთ მარანაში, სადაც იგი კვლავ გაივლის სელექციას. ეს პროცესი არის მაღალი ხარისხის ღვინის დამზადების წინაპირობის საფუძველი. ღვინოები მზადდება საუკეთესო ქართული მეღვინეობის ტრადიციებითა და ევროპული სტანდარტების გათვალისწინებით.

ვაზის ჯიშების მრავალფეროვნება და კლიმატის სხვადასხვა პირობები "მეღვინეობა ხარება"-ს საშუალებას აძლევს აწარმოოს მაღალი ხარისხის განმასხვავებელი ნიშნის მქონდე პროდუქტი. განსაკუთრებული მუშაობის სტილი და ასევე ღვინის განვითარება მარანში მიგვანიშნებს “ცოცხალ” ასორტიმენტზე.  მაღალი კვალიფიკაციის მქონე კადრები გამუდმებით ცდილობენ გააუმჯობესონ ღვინოების ხარისხი.

ღვინის განვითარებისას ხაზი ესმევა ტრადიაციებისა და ინოვაციის ჰარმონიულ შერწყმას. ამიტომაც, ჩვენი ასორტიმენტი ასახავს თანამედროვე ტექნოლოგიებისა და ტრადიციული ხელით ნაკეთობის ნაზავს. 

ღვინოები

"მეღვინეობა ხარება"აწარმოებს დასავლეთ საქართველოს ღვინოებს: ციცქას, კრახუნას, ცოლიკოურს, ოცხანურ საფერეს, ალადასტურს, უსახელოურს, აღმოსავლეთ საქართველოს ღვინოებს: რქაწითელს, მწვანეს, ხიხვს, ქისს, საფერავს, მუკუზანს, ქინძმარაულს, ახაშენს. 

ამ ღვინოების დაგემოვნებისას თქვენ შეიგრძნობთ ახალგაზრდა ღვინის ყვავილოვანი არომატებიდან დაწყებული დაძველებული ღვინის საუკეთესო ბუკეტით დამთავრებულ გემურ შეგრძნებებს.

"მეღვინეობა ხარებას" გააჩნია ყურძნის 25 ჯიში, 7 ადგილწარმოშობა და 50 დასახელების ღვინო.

ცქრიალა ღვინოები 

ჩვენი ხარისხიანი ცქრიალა ღვინოების მისაღებად ჩვენ ვიყენებთ ციცქას ჯიშის ყურძენს. ცქრიალა ღვინო იწარმოება კლასიკური შამპანიურის მეთოდით. დოზირება აქვს მიღებული კეთილშობილი ტკბილი ღვინისგან. მრავალწლიანი დაძველება განმასხვავებელი არომატის წინაპირობაა. იგი წარმოაჩენს თავის თავს ბალახის, სანელებლების ექსტრაქტითა და ციტრუსების არომატით.  გარდა ამისა, მას თან დაჰყვება ნაზი კარაქის ნამცხვრის გემო, რომელიც მრავალწლიანი დაძველების შემდეგ ვითარდება. ცქრიალა ღვინო გამოირჩევა თავისი უნიკალურობით, რაც მაღალი ხარისხის ღვინის პროდუქციის წარმოებაში გამოიხატება.