რესტორან მეფეთუბანის შენობა ნაწილია სამეფო სასახლის ანსაბლისა, რომელიც ააგო ქართლის მეფე როსტომმა, მე-17 საუკუნის60-იან წლებში.  შენობაში მოწყობილი იყო აბანო.  მე-17 საუკუნეში ნაგებობას დასავლეთით მიაშენეს ე.წ. ”ცივი აბანო”. 1795 წელს აღა-მაჰმად ხანმა, სასახლე დაანგრია, ძლიერ დააზიანა აბანოს შენობაც. მე-19 საუკუნეში იგი შეაკეთეს. 1804-1834 წლებში აქ მოთავსებული იყო პირველი ზარაფხანა და სასინჯი პალატა.