სასტუმრო გუდაური ჰუტი მდებარეობს კორორტ გუდაურის ცენტრალურ ნაწილში, სასტუმრო გაიხსნა 2005 წელს და მოკლე დროში სამართლიანად დაიმსახურა სტუმრების პატივისცემა, სასტუმრო გთავაზობთ 33 კომფორტაბელურ ოთახს, ოთახების ტევადობა კი 1-დან 4 ადამიანამდეა. ყოველ ოთახს გააჩნია ინდივიდუალური სველი წერტილი. სასტუმრო ასევე გთავაზობთ ტრადიციულ ქართულ რესტორანს, ბილიარდს, მაგიდის ჩოგბურთს, ბარსა და ტრადიციულ რუსულ აბანოს. სასტუმრო ეპატიჟება ტურისტთა იმ კატეგორიას, რომლებთაც იზიდავთ მყუდრო, ოჯახური გარემო, ნამდვილი ქართული სტუმართმოყვარეობა და ტრადიციული კერძები. სასტუმრო ასევე იზიდავს ექსტრემალური სპორტის მოყვარულებს, რადგან თავად სასტუმროს მფლობელი გია აფაქიძე ზამთრის სხვადასხვა ექსტრემალური სახეობების დიდი მოყვარული და ორგანიზატორია.

რესტორანს ემსახურება ქართველი შეფ-მზარეული, რომელიც გთავაზობთ ხაჭაპურს, რამოდენიმე სახის ხინკალს, ჩახოხბილს და სხვა ტრადიციულ კერძებს. სასტუმროს ოთახის ღირებულებაში შედის სამჯერადი კვება. სასტუმროს ბარი კი შემოგთავაზებთ მრავალფეროვან ალკოჰოლურ და უალკოჰოლო სასმელებს, ქართულ ღვინოსა და ჭაჭას, ბარი კი ღიაა ბოლო სტუმრამდე. სასტუმრო „გუდაური ჰატი“ მუდამ მზადაა სტუმრების მისაღებად.